Afhending á CAT MH3022 til Gámaþjónustu Norðurlands

Nú á dögunum afhentum við Gámaþjónustu Norðurlands CAT MH3022 Material Handler. Vélin er sérútbúin til að vinna við flokkun á sorpi og þess háttar t.d með lyftanlegu húsi og mjög löngum armi. Við óskum Gámaþjónustunni til hamingju með nýju vélina og óskum þeim velfarnaðar!
Lesa meira

Notkun klippikorta hefst um áramót á Dalvík

Gámaþjónusta Norðurlands ehf sér um sorphirðu í Dalvíkurbyggð. Tvær tunnur eru undir heimilissorp, svört tunna fyrir óflokkað sorp og græn fyrir flokkað endurvinnanlegt sorp. Í svörtu tunnunni er 30 lítra, brúnleitt innlegg sem er undir lífrænan úrgang og í grænu tunnunni er stærra svart innlegg fyrir hluta af endurvinnanlega efninu. Svarta tunnan er losuð á tveggja vikna fresti en græna tunnan mánaðarlega.
Lesa meira

Ný pressa

Undirbúningur að því að setja nýja pressu hjá Gámaþjónustu Norðurlands að hefjast. Gamla pressan var seld til Randers í Danmörku. Áætluð verklok eru 20. maí.
Lesa meira

Fiskidagurinn mikli flokkar rusl

Í dag, miðvikudaginn 4. júlí, undirrituðu fulltrúar fjögurra aðila samvinnusamning sem snýr að flokkun á rusli sem til fellur á Fiskideginum mikla. Undirritunin fór fram í Bergi menningarhúsi á Dalvík. Undanfarið hafa stjórnendur Fiskidagsins mikla unnið að því að skipuleggja flokkun á rusli sem fellur til á fjölskylduhátíðinni Fiskidagurinn mikli. Í ár verður skrefið tekið lengra með samvinnu fjögurra aðila, Samáls samtaka álframleiðenda, Sæplasts, Gámaþjónustu Norðurlands og Fiskidagsins mikla. Stefnt er að því að flokka álpappír, plast og almennt sorp ásamt því að dósir og plastflöskur eru flokkaðar af Björgunarsveitinni á Dalvík og rennur ágóðinn af þeirri söfnun óskiptur til sveitarinnar. Næstu árin stefnir hugur þessara aðila til enn meiri flokkunar og að fá fleiri aðila að borðinu. Frétt og mynd af dalvik.is sjá nánar hér.
Lesa meira

Samingur undirritaður milli PCC Bakki Silicon og Gámaþjónustu Norðurlands

Þann 25 janúar síðastliðinn skrifuðu PCC BakkiSilicon og Gámaþjónusta Norðurlands undir samning um meðhöndlun úrgangs og aukaafurða hjá PCC BakkiSilicon. Á heimasíðu PCC BakkiSilicon segir að inntak samningsins sé hagkvæm og ábyrg meðhöndlun allra efna sem falla frá starfsemi kísilversins á Bakka við Húsavík. "Samningurinn hefur verið í vinnslu undanfarna mánuði og er undirskrift hans mikilvægur liður í lokaundirbúningi fyrir gangsetningu kísilversins sem er á næsta leiti. Við hlökkum til samstarfsins við Gámaþjónustuna og stefnum á að hámarka flokkun, endurnýtingu og endurvinnslu frá okkar starfsemi". Segir á heimasíðunni en það voru þau Kristín Anna Hreinsdóttir fjármálstjóri PCC Bakki Silicon, Jökull Gunnarsson framkvæmdastjóri framleiðslu hjá PCC BakkiSilicon og Helgi Pálsson rekstrastjóri Gámaþjónustu Norðurlands sem skrifuðu undir samninginn. Frétt og mynd af 640.is 30.1.2018
Lesa meira